Јани Атанасов дополнително повикан во репрезентацијата како замена за Адеми

Фудбалерот на Хајдук е замената за повредениот Адеми/ фото: ФФМ

Фудбалерот на Хајдук Сплит, Јани Атанасов доби повик од селекторот Благоја Милевски да биде дел од сениорската репрезентација на Македонија за претстојните квалификациски натпревари за Светското првенство.

Поранешниот капитен на Македонија до 21 година добива шанса да биде дел од најдобриот национален состав откако стана извесно дека Аријан Адеми од Динамо Загреб нема да може да се стави на располагање на тимот за натпреварите  против Ерменија (2. септември), Исланд (5. септември) и Романија (8. септември). Неизвесно е доаѓањето и на Бобан Николов од молдавски Шериф кој е позитивен на коронавирус.

Соочени со неможноста на Адеми поради здравствени причини да му се приклучи на тимот и неизвесноста со евентуалното доаѓање на Николов, стручниот штаб во А репрезентацијата прати дополнителен повик до Јани Атанасов, фудбалер кој игра на позицијата на Адеми и со своите играчки карактеристики е најблиску до тоа што евентуално би ни било потребно.

Видео на денот