Одбраната на Јанева е децидна во својот став дека обвинителката за гонење и организиран криминал и корупција, Вилма Рускоска, нема докази против Јанева, па поради тоа, поранешната специјална обвинителка нема да признае вина за случајот „Рекет“, пренесува МКД.МК. 

Јанева во текот на судската постапка ќе докажува дека Русковска нема докази кои укажуваат на тоа дека таа го сторила кривичното дело за кое ја гони ОЈО за гонење на организиран криминал и корупција,

Јанева од пред неколку дена е во куќен притвор, откако Апелацискиот суд донесе одлука дека мерката притвор во текот на постапката може да се замени со поблага мерка за обезбедување на присуство.

Јанева беше во притвор од 21 август кога беше приведена поради инволвираност во случајот „Рекет”. Во текот на истрагата таа не даде исказ.

Во оваа постапка освен Јанева и Јовановски, обвинет е и Зоран Милевски кои исто така е во куќен притвор.

За сега, во притвор е само Јовановски, за кого Апелацискиот суд деновиве треба да донесе одлука.