Јаховиќ промовиран во Анталијаспор
Поранешниот македонски репрезентативец во вториот дел од сезоната ќе претставува големо засилување на тимот ќе се бори за опстанок во турската Супер лига.
Адис Јаховиќ денеска и официјално беше претставен како нов фудбалер на Анталијаспор кого во вториот дел го очекува борба за опстанок во турската Супер лига.
Поранешниот македонски репрезентативец потпиша едно ипол годишен договор, со можност сораборката да се продолжи соработката на уште една сезона.
– Можам да ветам дека ќе придонесам за да се остварат целите и дека брзо ќе ја вратиме Анталија каде што ѝ е местото. Ќе уживам играјќи со Подолски и ќе биде многу важно за тимот да дадеме сè за да помогнеме во остварувањето на целите – изјави Јаховиќ.
Анталијаспор ќе биде четвртиот турски клуб за Јаховиќ, тој во 2016 година пристигна во Гецтепе, потоа следеше трансфер во Коњаспор. Изминатото лето потпиша за Малатија за која во првиот дел од сезоната постигна 11 голови.