Јадранското Море меѓу НАЈЗАГАДЕНИТЕ ВО ЕВРОПА, проблемот најизразен во туристичката сезона
Според списанието „Marine Pollution Bulletin“, Јадранското Море, иако е едно од најубавите, во исто време е и меѓу најзагадените мориња во Европа, наведува „Нешенл џиографик Србија“.
Отпадот во Јадранското Море доаѓа од вкупниот број на околу 4 милиони жители кои живеат на крајбрежјето, а во текот на туристичката сезона овој број се зголемува во просек шест пати.
Проблемот со Јадранското, а слично и со Средоземното Море, е што се работи за мориња од полузатворен тип, кои се тесни и плитки.
Околу 90% од загадувањето на Јадранот доаѓа од Хрватска, а струите носат отпад и од Албанија. Повеќе од 70% од отпадот доаѓа од копното, а остатокот го носат морските струи. Најголема количина од отпадот сочинува пластиката, а потоа и алуминиумски остатоци од лименки и конзерви. За жал, ова важи за целиот Медитеран, каде еколошката свест воопшто не е на високо ниво.