Ја засмејуваше цела Југославија со својата глума, а криеше голема тага: Тажната судбина на Жика од „Жикина династија“
Еден од најлегендарните српски актери, Драгомир Бојаниќ Гидра, попознат како симпатичниот Жика од „Жикина династија“, остана запаметен по своите улоги со кои ги засмејуваше луѓето ширум поранешна Југославија, додека на гледачите не им дозволуваше да видат колку, всушност, страдал во животот и дека во најраното детство доживеал огромна трагедија…
Трагедијата што ја доживеал во детството, никогаш не ја истакнувал.
View this post on Instagram
Гидра е роден на 13 јуни во 1933 година во Крагуевац. Иако тоа не се забележувала на него, тој немал безгрижно детство, затоа што во најрана младост останал сирак, откако мајка му Новка починала од туберкулоза, набрзо потоа на 10-годишна возраст останал и без својот татко Јован, офицер на српската војска, кој го стрелале во 1943 година во текот на Втората светска војна, по што малиот Гидра останал целосно сам.
Поради тоа што немал никој кој би се грижел за него, актерот барал начин да се прехрани и што побрзо да пронајде професија која ќе му носи заработувачка. Така, завршил во училиштето за преработка на месо, овошје и зеленчук во Крагуевац, за веднаш по матурата да се вработи во фабриката за конзерви „Црвена ѕвезда“.
View this post on Instagram
Во едно интервју кое актерот го дал на почеток на седумдесеттите години објаснил како завршил во светот на глумата.
„По професија сум занаетчија. Имам квалификација стекната во СТШ Крагуевац, хемиско-технолошки отсек. Со актерство почнав да се занимавам по потреба на службата, во крагуевската фабрика за конзерви „Црвена ѕвезда“. Потоа преку аматерскиот театар „Света Младеновиќ“ дојдов во Народниот театар во Крагуевац, чиј член бев долго време“, рекол своевремено Драгомир Бојаниќ Гидра.
View this post on Instagram
Гидра покажал неверојатен актерски талент, додека пресуден момент истиот да исплива на површина секако било кога во ансамблот на уметници во Крагуевац, каде што работел, неговите колеги со заеднички сили собрале пари кои му помогнале да оди во Белград и да се запише на Академија.
Тоа бил паметен потег, па Гидра се запишал на Академијата уште при првиот обид за потоа уште во првата година од студиите да почне да глуми на сцената на Народниот театар во Белград, а оттаму се вивнал меѓу актерските ѕвезди.