Ја премина Селма Хајек и стана најбогатата француска снаа: Нејзиниот прв сопруг морал на рехабилитација по разводот
Руската манекенка Наталија Водијанова се омажи со Антоан Арно, чиј татко Бернард е сопственик на една од светски најпрофитабилните компании LVMH Moet Hennessy. Се проценува дека неговото богатство изнесува неверојатни 84 милијарди фунти, што го прави трет најбогат човек на светот после Џеф Безос и Бил Гејтс.
Наталија по вторпат се мажи во богато семејство, а овој пат венчавката се случи на интимна церемонија во Париз. Наталија и Антоан се заедно веќе 10 години, а првобитно планираа голема венчавка на 27 јуни годинава, но датумот го поместија поради пандемијата на коронавирусот.
Манекенката објави фотографии од венчавката на социјалните мрежи.
Која е Наталија Водијанова?
Наталија, која поради својата животна приказна е наречена и Пепелашка, пораснала во едно руско село со самохрана мајка и аутистична сестра, а во младоста работела на пазар. Токму тука ја забележал модниот агент, а на 17 години се иселила во Париз. Во 2001 година го запознала својот прв сопруг, синот на англискиот лорд Џастин Портман, а истата година се омажила за него, во осмиот месец од бременоста.
Меѓутоа таа љубовна приказна не завршила убаво, а Портман изјавувал дека Русинката се срами од него, дека воопшто не ѝ недостасува откако не се заедно и дека не ѝ паѓа на памет пак да бидат семејство и дека поради неа морал на рехабилитација по разводот. Од бракот со Портман Наталија има три деца.
Со Антоан Арно започнала врска во 2010 година и со него добила уште две деца, Максим (4) и Роман (2).