Ја одложи свадбата за да се грижи за заболените: Лекар од Вухан е еден од најмладите кој почина од коронавирусот
„Не стигна ниту да испрати покани за својата свадба“, рекоа неговите пријатели.
Пенг Јинхуа (29), лекар од Вухан вчера почина од последиците на коронавирусот. Тој е најмладата жртва на смртоносниот вирус кој досега однесе повеќе од 2.200 животи и зарази најмалку 76.000 луѓе.
Јинхуа се заразил грижејќи се за пациенти сместени на Одделението за интензивна нега во болницата во Вухан.
Младиот Пенг планирал свадба уште пред неколку недели, но истата ја одложил за да се грижи за пациентите. Се договорил со вереницата да слават кога ќе пројде епидемијата. Свадбата, за жал, никогаш не ја дочека.
#EverydayHero A 29-year-old front line doctor, Peng Yinhua, passed away on Feb 20 in #Wuhan. He had postponed his wedding to fight the novel #coronavirus epidemic. Now he will never see his fiancée in her wedding gown. R.I.P. #COVID19 #China pic.twitter.com/vu9rIJk8OW
— China Daily (@ChinaDaily) February 21, 2020
Првите симптоми Пенг ги покажал на 25 јануари кога итно е хоспитализиран, а пет дена подоцна, дошло до нагло влошување на неговата здравствена состојба.
– Не стигна ниту да испрати покани за својата свадба – рекоа неговите пријатели.
За потсетување, Пенг е третиот лекар кој почина од коронавирусот. Во студија, која ја изработи кинескиот Центар за контрола и превенција на болести, откриено е дека дури 80 отсто од случаите на коронавирусот биле поблаги, но дека медицинските работници, хронично болните и стари луѓе се најзагрозени од вирусот.