Вождовац е новиот предизвик за младиот перспективен играч кој одлучи да го направи својот прв странски трансфер.

Ѓорѓиевски кој игра во делот на нападот (19) со „змејовите“ потпиша договор на четири години и ќе го носи бројот 35 на дресот, како негов среќен број.

Дел од младинските категории на Вардар, повеќе пати беше најдобар стрелец во нашите младински лиги, поради што и добиваше и признанија од ФФМ.

Минатата сезона ја помина во второлигашот Борец од Велес кој успеа да се промовира како прволигаш.

Токму Ѓорѓиевски помогна на тој пат како најдобар стрелец во Втората лига, иако играше само во вториот дел од полусезоната во кој на 12 натпревари постигна 16 голови.

На тој начин го привлече вниманието на многу европски клубови, имал понуди од Германија, Португалија и Хрватска, но на крајот српскиот Вождовац бил најконкретен, го исплати обесштетувањето и доби вредно засилување.