Ја измами сопругата па се сврте кон верата
Фудбалерот на Челси, Оливие Жиру во 2014 година на целиот свет јавно му призна дека ја изневерувал сопругата. Англиските медиуми со недели пишуваа за аферата на тогашниот играч на Арсенал со моделот Селија Кеј, а Жиру одлучи да ги прекине сите шпекулации и потврди дека информацијата за неговото неверство е точна.
„И се извинувам на сопругата, семејството, пријателите, менаџерот и соиграчите како и навивачите на Арсенал. Сега морам да се борам за семејството да ми прости за глупоста која ја направив и ништо друго не ми е поважно од тоа“, напиша тогаш Жиру на својот профил на Твитер.
Од тогаш поминаа пет години, и сега Оливие Жиру е нов човек кој целосно и се посвети на религијата. Оттогаш нема ниту една дамка во фудбалската кариера и во приватниот живот, а сопругата Џенифер му прости за прељубата.
Football : Olivier Giroud veut utiliser sa médiatisation pour évoquer son «engagement auprès de Jésus Christ» – L'Info Évangélique https://t.co/JQqwiJ5zeP pic.twitter.com/16csgPuSH0
— Laura MANUS (@LauraManus972) September 9, 2019
Токму затоа францускиот католички магазин „Исус“ го избра за гостин-уредник на септемврискиот број каде фотографијата на Жиру се наоѓа на насловната страница со натпис “33 години, врсник на Исус“.
– Кога сум во можност, постојано зборувам за својата вера и религија. Чувствувам дека морам да го искористам својот простор во медиумите за да зборувам за својата посветеност за Исус. Поради тоа прифатив да бидам уредник на септемврискиот број на „Исус“. Кога гледам шти се случува во денешниот фудбал-расизам, хомофобија… сакам да бидам првиот кој ќе каже „доста е“ – вели Жиру.