Изворната инспирација на Нотр Дам се наоѓа во Идлиб
Изворната инспирација на катедралата на Нотр Дам, како и на многу цркви од готичката архитектура, потекнува од црквата Калб Лозе која се наоѓа во истоименото село во близина на сирискиот град Идлиб.
Калб Лоза изградена е во 5. век н.е. во стилот на широка базилика и нејзината архитектура е многу слична на црквите во Турманин, Ал-Ендерин, Рувеха и Кератин кои се изградени во предисламскиот период во северниот дел на Сирија.
Сирискиот историчар Фајез Кавсара во изјава за агенцијата „Анадолу“, рече дека црквата Калб Лозе е една од највеличествените цркви во Сирија.
„Христијаните и архитектите коишто ја видоа црквата, нејзината архитектура ја пренесоа во Европа во 11. и 12. век. Готичката архитектура која владеела во тие векови во Европа, потекнува од црквата на Калб Лозе кој се наоѓа во Идлиб.“ нагласи Кавсара.
Познатиот археолог, истражувач и дипломат, Гертруд Бел, по неговата посета во овој регион на почетокот од 20. век рекол дека почетокот на едно ново поглавје во светската архитектура, со нејзината фина и скромна убавина, потекнува од северниот дел на Сирија.
Градбата на Калб Лозе која е составена од три дела има две врати на јужната страна, едната наменета за машки влез, а другата за женски. Има и уште една врата на својата западна страна која влага до една соба којашто има две кули на својата десна и лева страна.