9 C
Скопје

Извештај на ИЈЗ: Зголемување на смртноста од ковид-19 за 18,6 отсто, епидемиолошки истражени 128 смртни случаи

Скопје и натаму со најголем број нови случаи и највисока инциденца, најзастапена возрасна група на лица над 60 години.

-Според неделниот извештај на Институтот за јавно здравје за периодот од 16 до 22 ноември 2020г. тестирани се вкупно 19.664 материјали во лабораториите во кои се спроведува молекуларно тестирање за присуство на SARS-CoV-2, со намалување од 6,3% во однос на минатата недела. Регистрирани сe 7.486 нови позитивни случаи од 35 градови во државата со незначително зголемување во однос на минатата недела од 1,8%. Најголем дел од регистрираните случаи се од Скопје (n=3.255; 43,5%), со неделна инциденца – 535,1/100.000. Во наведениот период, процентот на позитивни од тестирани лица изнесува 38%- информираат од Министерството за здравство.

Прочитајте и...  Конечно е постигнат напредок на средбата на македонско-бугарската Комисија за историски прашања

Регистрирани се заболени лица во сите возрасни групи. Најзастапена е возрасната група на лица на возраст над 60 (n=1.818, 24,3%). Голем број на заболени се регистрира и кај лицата во возрасните групи од 40-49 (n=1.496; 20,0%), 30-39 (n=1.474; 19,7%), 50-59 (n=1.348; 18,0%) и 20- 29 (n=978; 13,1%). Најмал број е регистриран кај децата од 0-9 (n=85; 1,6%) и 10-19 години (n=287; 3,8%).

Во однос на дистрибуцијата по пол, пријавени се 3.866 (51,6%) лица од машки и 3.620 (48,4%) од женски пол.
По добиени 2 негативни теста за присуство на SARS-CoV-2 или со употреба на новиот алгоритам, како оздравени се водат 5.099 лица кои биле хоспитализирани или на домашно лекување, 44,7% повеќе во споредба со минатата недела.

Прочитајте и...  Европскиот парламент ја повикува ЕУ да го признае Гуаидо за привремен претседател на Венецуела

Во наведениот период пријавени се 204 смртни случаи од 24 града, зголемување од 18,6% во однос на минатата недела. Во однос на возраста, 155 лица биле над 60 години, 26 лица на возраст од 50-59 години, 18 смртни случаи се пријавени од возрасната група 40-49 години и 5 случаи во возрасната група од 30-39 години. Од смртните случаи, епидемиолошки се истражени 128 или 62,7%.

Деталниот извештај на Институтот за јавно здравје за состојбата со Ковид-19 за периодот од 16 до 22.11.2020 г. како и кумулативната состојба со Ковид-19 во Република Северна Македонија се објавува на веб страницата на Институтот за јавно здравје: http://iph.mk/.

Поврзани вести

Утрински температури над нулата, најмногу снег на Попова Шапка

Слободен печат

Гир: Сакам да испратам силна порака дека европската перспектива на Северна Македонија е јасна и неспорна

Слободен печат

ЕК: Инсистираме на стабилност во испораките на вакцините на АстраЗенека

Слободен печат

Опаѓа бројот на новозаразени со Ковид-19, но остануваат апелите за почитување на мерките за заштита

Слободен печат

Се врати во сила Законот за акцизи, бензините и дизелот поевтини за два денара

Слободен печат

За згрижувачките семејства мајка, за биолошките маќеа!?

Остави Коментар