Извештај на ИЈЗ од 11 до 17 јануари: Намалување на новозаболени и на оздравени пациенти, зголемување на бројот на смтрни случаи

Според неделниот извештај на Институтот за јавно здравје (ИЈЗ), во периодот од 11 до 17 јануари биле тестирани вкупно 14.111 материјали во лабораториите во кои се спроведува молекуларно тестирање и антигенско тестирање за присуство на SARS-CoV-2, што претставува зголемување за 8,4 отсто во однос на минатата недела.

Регистрирани сe 2.397 нови позитивни случаи на ковид-19 од 34 градови во државата, што е намалување за 3 отсто во споредба со минатата недела. Најголем дел од регистрираните случаи се од Скопје (n=1.089; 45,4%), со неделна инциденца – 176,3/100.000. Највисока неделна инциденца од 238,5/100.000 е регистрирана во Ресен.

Процентот на позитивни од тестирани во периодот на известување се движи од 11 до 19 отсто или просечно 16 отсто, што претставува намалување од три отсто во споредба со минатата недела.

Прочитајте и...  Кинески Синофарм побара одобрување за втора вакцина

Регистрирани се заболени лица во сите возрасни групи. Најзастапена е возрасната група на лица на возраст над 60 (n=631, 26,3%). Голем број на заболени има и во возрасните групи од 40 до 49 години (n=446; 18,6%), од 30 до 39 години (n=422; 17,6%), од 50 до 59 години (n=403; 16,8%) и од 20 до 29 години (n=352; 14,7%). Најмал број е регистриран кај децата од 0 до 9 години (n=31; 1,3%) и од 10 до 19 години (n=112; 4,7%).

По добиени два негативни теста за присуство на SARS-CoV-2 или со употреба на новиот алгоритам, како оздравени се водат 5.785 лица кои биле хоспитализирани или на домашно лекување, што претставува раст за 29,7 отсто во споредба со минатата недела.

Прочитајте и...  Бочварски: Определени сме гасот да го доведеме до сите крајни корисници

Во периодот на известување, пријавени се 79 смртни случаи од 23 града, со зголемување од 6,8 отсто во однос на минатата недела. Во однос на возраста, 62 лицa биле над 60 години, 13 лица на возраст од 50-59 години, три лица на возраст од 40-49 години и едно лице од 30-39 години.

Деталниот извештај на ИЈЗ за состојбата со ковид-19 за периодот од 11 до 17 јануари, како и кумулативната состојба со ковид-19 во Република Северна Македонија се објавува на веб страницата на Институтот за јавно здравје: http://iph.mk/.

Поврзани вести

Ѓукановиќ отповика бројни амбасадори вклучувајќи го и амбасадорот во Белград Тарзан Милошевиќ

Слободен печат

Обвинителствата кубурат со кадар: Предметите пропаѓаат во „кадровската дупка“

Лука Андреев

Советот на министри на БиХ ја усвои реформска програма за НАТО

Слободен печат

Османи на министерски состанок на Алијансата: Ги чувствуваме последиците на севкупниот неуспех за обезбедување на вакцини

Слободен печат

Велешкиот Народен музеј доби седум проекти, четири од музејската и три од галериската дејност

Слободен печат

Српското МНР: Нацрт-извештајот на Европскиот парламент на недопустлив начин ги повикува државите на ЕУ да го признаат Косово

Слободен печат

Остави Коментар