Израелскиот министер за национална безбедност Итамар Бен-Гвир / REUTERS/Ammar Awad AMMAR AWAD / REUTERS

Израелските ултра десничари ја напуштија владата на Нетанјаху, нивниот лидер ќе поднесе оставка од министер за национална безбедност

Израелската крајнодесничарска партија „Оцма јехудит“ (Еврејска моќ) денеска објави дека ќе ја напушти израелската коалициска влада предводена од Бенјамин Нетанјаху. Партијата објави дека нејзиниот лидер и министер за национална безбедност Итамар Бен-Гвир утре ќе се повлече од функцијата министер за национална безбедност, објавија израелските медиуми.

Тие сметаат дека е неприфатлив прекинот на огнот со Хамас.

-Партијата „Оцма Јехудит“ утре наутро ќе поднесе оставка од владата и коалицијата, а министрите Бен Гвир, Јицак Васерлауф и Амичаи Елијаху, како и Пратениците Звика Фогел, Лимор Сон Хар-Мелех и Јицак Кројзер ќе ги напуштат своите позиции, објави државната мрежа, повикувајќи се на соопштение на партијата.

Бен Гвир / Фото EPA-EFE/ABIR SULTAN

Бен Гвир претходно во четвртокот ја изрази својата намера да поднесе оставка од функцијата министер за национална безбедност и неговата партија да ја напушти коалициската влада доколку се одобри договорот со Хамас.

Израелската влада одобри прекин на огнот и договор за размена на затвореници за време на неколкучасовниот состанок на владата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот