Израелски авиони го нападнаа Хамас

Израелски напади во Газа/ Фото: EPA-EFE/MOHAMMED SABER

Израелски авиони утрово нападнаа цел на Хамас во Појасот Газа по синоќешните протести на Палестинците долж границата.

Во соопштението на израелската армија се наведува дека бомбардирањето е поради пуштањето на запаливи балони од страна на Хамас, што вчера поредизвикаа два пожара во јужниот дел на Израел.

– Ќе дејствуваме во Газа согласно нашите интереси, изјави израелскиот премиер Нафтали Бенет на крајот од неговата посета на САД, при што се сретна и со американскиот претседател Џо Бајден.

Во синоќешните протести на границата помеѓу Појасот Газа и Израел повредени се петмина Палестинци. Стотици Палестинци синоќа протестираа на границата поради израелската блокада на Појасот Газа, фрлајќи запаливи средства на што израелската армија одговори со боева муниција.

Според организаторите тоа е прв од низата ноќни протести, што е предвидено да траат цела недела со цел да се зголеми притисокот врз Израел да ги ублажи економските санкции кон Појасот Газа.

Израел и Египет воведоа блокада кон Појасот Газа откако исламскиот екстремистички Хамас, кој повикува на уништување на Израел, насилно ја презеде контролата врз Појасот Газа во 2007 година од поумерениот ривал Фатах, откако победи на палестинските избори.

Од 2007 година досега имаше четири конфликти помеѓу Хамас и Израел. Израел тврди дека блокадата е неопходна за да се спречи вооружувањето на Хамас, а Египет се обидува да посредува во воспоставување долгорочен прекин на огнот со цел да се олесни блокадата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот