Израелската војска соопшти дека денес разменила оган во близина на јужната граница со Египет, набргу откако пријавила две жртви во безбедносниот инцидент во областа, пренесува Ројтерс.

Засега не е јасно дали инцидентите се поврзани и со кого војската била во конфликт.

По претходниот настан, портпаролот на израелската војска Даниел Хагари изјави дека „се случи безбедносен инцидент во областа на регионалната бригада Паран, во кој две лица беа повредени“.

Израелското армиско радио објави дека најмалку еден вооружен маж отворил оган кон израелските сили во близина на областа околу границата со Египет каде што двајца Израелци беа застрелани додека безбедносните сили оперираа за да спречат шверц.

Египет е првата арапска земја што потпишала мировен договор со Израел во 1979 година.