Израел фабрика за производство на ракети ја пренамени за масовно производство на респиратори поради ширењето на епидемијата од коронавирусот, објави денеска министерството за одбрана.

Израел потврди 17 смртни случаи и речиси 5.000 заболени.

Министерот за одбрана Нафтали Бенет предупреди дека земјата има само 2.000 респиратори и дека и требаат уште многу такви апарати за одржување на дишењето кај тешко болните.

Во многу земји има недостиг на респиратори и некои за нивно производство им се обратија на приватните фабрики и на војската.

Респираторите се произведуваат во тајни постројки

„Ова утро почна производството во тајна постројка за ракети и првите респиратори се тестирани и составени“, пишува во соопштението.

За само неколку дена брзо ја пренаменивме линијата за производство на ракети, се додава во соопштението.

„Израел мора да ги развие сопствените капацитети за се што има врска со пандемијата на ковид -19, истакна Бенет.

„Не смееме да зависиме од набавки од други земји“, заклучи тој.