Израел е подготвен во случај на напад од Иран

Архива

Командантот на израелските воздушни сили, генерал Амикам Норкин изјави дека повеќеслојна воена мрежа на системи за противвоздушна одбрана е на готовност, заради општа закана од напад од Иран.

Израелската војска во последните неколку недели изрази уверување дека Техеран планира да се одмазди за израелските воздушни напади врз иранските и силите на иранските сојузници во регионот.

Се проценува дека тоа би можело да биде напад од големи размери, со крстосувачки ракети и дронови, сличен на нападот на саудиската нафтена рафинерија Арамко, кој му се припишува на Иран.

Израелскиот премиер Бенјамин Нетанјаху оваа недела изјави дека Иран планира да го нападне Израел од Јемен, што ќе ја отежне израелската одбрана затоа што системите за пресретнување ракети со среден и долг дострел подобро се распоредени за да го одбранат северот отколку југот на земјата.

– Додека го зборуваме ова, батерии „ероу”, „патриот”  и „Давидов стап” се во готовност, рече синоќа Норкин на промоција на офицери.

Тој оцени дека предизвикот за противвоздушната одбрана станал посложен бидејќи сега постојат беспилотни летала (дронови) и крстосувачки ракети, покрај заканите од проектили.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот