Отказот за поранешниот кошаркар, а сега тренер доаѓа само еден ден откако заработи исклучување поради острата реакција кон судиите на дуелот против Сасари.

Покрај Ѓорѓевиќ, тимот од Болоња ќе го напушти и дел од неговиот стручен штаб, а нов тренер во наредниот период ќе биде Кристијан Федриго.

Ѓорѓевиќ на клупата на италијанскиот тим седна во март минатата година, а годинава во моментите на прекинот на првенството поради пандемијата на коронавирусот, тимот на Виртус беше прв на табелата со скор од 18 победи и само два порази.

По завршувањето на играчката кариера, Ѓорѓевиќ првиот тренерски ангажман, во 2006 година го имаше во Италија во екипата на Олимпија, а потоа работеше и во Бенетон, Панатинаикос и Баерн Минхен. Од 2013 до 2019 година беше селектор на кошаркарската репрезентација на Србија.

Во новата сезона, екипата на Виртус се наоѓа на четвртото место во првенството со скор од пет победи и четири порази.

Aleksandar Djordjevic sollevato dall’incarico di responsabile tecnico della prima squadra

➡️ https://t.co/bHqBBl8qND

— Virtus Segafredo Bologna (@Virtusbo) December 7, 2020