Кошаркарската репрезентација на Србија доживеа шокантен пораз од Швајцарија со 92:90 во квалификациите за ЕП 2022 година. За тоа колку е големо изненадувањето со поразот на Србија која е кошаркарска сила, доволно зборува податокот дека Швајцарија последен пат на Европско првенство играла 1955 година.

Одлучувачки момент за големото изненадување на Швајцарија е одличниот шут посебно за три поени кој беше неверојатни 56%. Напрецизен беше Марко Млаѓан со 18 поени, а по 16 поени дадоа Душан Млаѓан и Џонатан Казади. Кај Србија која настапи без најдобрите кошаркари се истакна Алекса Аврамовиќ со 23 поени.

Во нашата група, Русија со убедливи 84:56 ја совлада Естонија.Евгениј Бабурин со 19 поени беше најдобар во руската репрезентација, додека Андреј Воронцевич постигна 15. Кај Естонците, најмногу се истакна Јанари Јоесар со 11 поени.

Изненадувачки пораз доживеа и Шпанија која со 95:87 е поразена од Израел, додека Словенија е на чекор до пласман на Евробаскетот 2022 по триумфот од 84:73 над Украина.

Резултати:
Швајцарија – Србија 92:90
Романија – Полска 61:91
Финска – Грузија 85:91
Естонија – Русија 56:84
Израел – Шпанија 95:87
Словенија – Украина 84:73