Годинава се навршуваат 12 години од трагичната смрт на српската пејачка Ксенија Пајчин, ѕвезда која пленеше со својата убавина и харизма.

Ксенија Пајчин беше едно од омилените естрадни имиња во регионот – не само на публиката, туку и меѓу своите колеги. Танцот беше нејзина голема љубов и затоа својата кариера ја започна како танчарка во дискотеките ширум Србија. Потоа, стана членка во музичката група „The Duck“ со која стекна голема популарност во деведесеттите години. По напуштањето на групата, Ксенија ја започна својата солистичка кариера која ја обележија неколку големи музички хитови како „Дечко ми је уморан“, „Пица“, „Нино“ итн.

За жал, нејзиниот живот згасна прерано. На денешен ден во 2010 година, Ксенија беше пронајдена мртва во својот стан со прострелна влезна и излезна рана во главата, а до неа било нејзиното момче Филип Каписода со прострелна рана. Се верува дека се работи за убиство на Ксенија и самоубиство кои ги извршил Филип.

Ксенија, почивај во мир.