Измама во Швајцарија: Лажни полицајци од жена одземале милиони франци
Во Цирих, лажни полицајци успеале да измамат една жена и да и одземат 3,6 милиони франци или 3,25 милиони евра.
Лажните полицајци ја убедиле жената да им ги даде парите така што и рекле дека тие на тој начин ќе ја чуваат од крадци. Според полицијата, крадците со месеци се подготвувале за оваа измама.
Првиот контакт бил остварен во ноември, така што една жена претставувајќи се дека е полицаец, ѝ објаснила на жртвата дека полицијата наводно води истрага за мрежа на крадци, кои во соработка со вработени во банка, одземаат пари. На жената тогаш ѝ било речено дека и нејзините пари се потенцијална цел на крадците.
Следните месеци, жената секој ден добивала телефонски повици од истите лица, кои ѝ кажувале на никој да не пренесува информации, за да не биде загрозена истрагата.