Групната изложба на младите графички автори Ана Трајковска, Душан Стефановски, Ивана Секулоска и Јован Јосифовски, со едноставен наслов „Изложба“, официјално ја отвори годишната програма од ликовната дејност во Младинскиот културен центар за 2021 година.

Презентираните дела отстапуваат од канонизираното класично поимање на графиката. Преку индивидуални експериментирања со графичкиот печат и неговото втиснување во и врз различни материјали авторите успеале да ги допрат граничните подрачја, дури и да навлезат во проширеното поле на графичката уметност.

Изложбата беше отворена на 14 април и ќе биде поставена до 24 април во галеријата на МКЦ.

(Текстот и фотографиите се објавени во „Културен печат“ број 77, во печатеното издание на „Слободен печат“ на 17-18 април 2021)