Излезе трејлерот од интервјуто на принцот Хари и неговата сопруга Меган Маркл со легендарната водителка Опра Винфри.

Имено, светската јавност со нетрпение го очекува интервјуто во кое Хари и Меган за прв пат ќе ја раскажат својата приказна по заминувањето од британското кралско семејство и нивната преселба во Америка.

„Сакам на сите да им дадам до знаење дека нема забранета тема“, вели Опра во видеото и во еден момент ја прашува Меган дали молчела или ја натерана да молчи. Но, одговорот на Меган не е прикажен во трејлерот.

Принцот Хари вели дека неговата најголема грижа била да „не се повтори историјата“, реферирајќи на неговата покојна мајка, принцезата Дајана.

„Знаете, навистина ми олесна и сум среќен што седам овде со својата сопруга и разговараме со вас, бидејќи не можам да замислам како ѝ било кога морала да поминува сама низ овој процес пред многу години. Ни беше неверојатно тешко, но барем бевме заедно во сево ова“, рече принцот  држејќи раката на Меган.

„Рековте прилично шокантни работи“, рече Опра на крајот на трејлерот.

Специјалното интервју „Oprah with Meghan and Harry: A CBS Primetime Special“ ќе се емитува на 7 март.