Излезе „Културен печат“ број 84 во весникот „Слободен печат“
КУЛТУРЕН ПЕЧАТ број 84, во печатеното издание на „Слободен печат“ (12-13.06.2021), го отвораме со фотографии од изложбата „Африкански лица“ на Билјана Јуруковски, која ќе биде отворена на 16 јуни во Музеј на Македонија, а меѓу содржините има:
– интервју со Јане Чаловски: Независниот културен сектор е уморен од празни ветувања
– совршенство на звукот: Брендот „Теохаров“ ќе произведе звучници со потпис на Влатко Стефановски
– критички филмски гест на фестивалот „Прво па женско #9“
– разговор со книжевната критичарка Александра Јуруковска: Надежта секогаш ми ја крепат само непоправливите ентузијасти
– Здружение на џез-музичари – Авторски концерт на Илија Пејовски во Филхармонија
– винилите повторно се во мода на „Record store day 2021“
– чекор понатаму за современиот танц на „Танц Фест 2021“
– танцтеатар – премиера на „Петтото годишно време“ во Велешкиот театар
– филмови за Кирил Џајковски и „Д’ Хип“ беа прикажани на „Докенритам“ во Белград
– Фондација „Небрегово“: Чествување на Блаже Конески во Општина Аеродром
– „Книжевен жезол“ на ДПМ за Иван Џепароски и Душан Стојковиќ
– „Матица македонска“ објави избрани дела во десет книги од Раде Силјан
– „ПНВ Публикации“ ја објави книгата „Ноќни луѓе“ од Иван Херцег
– „Македоника литера“ ја објави биографската книга „Леонардо да Винчи и неговото време“ од Атле Нес
– дебитантскиот роман „Денот на црвот“ од Симона Јованоска е објавен во „Или-Или“.