Излезе „Културен печат“ број 52 во весникот „Слободен печат“
КУЛТУРЕН ПЕЧАТ број 52, во печатеното издание на „Слободен печат“ (10-12.10.2020), го отвораме со прекрасни фотографии на Драган Тодоровски направени во Норвешка, а меѓу содржините има:
– интервју со композиторот Стојан Стојков: Сложените форми бараат зрелост во творечкиот израз
– разговор со Ристо Вртев од „Архангел“ за концертот на „Таксират“: Способноста да љубиме е највредното човеково својство
– 39. Скопски џез-фестивал со возбудлива програма достојна за репутацијата на фестивалот
– Културно-социјален простор „Центар-Јадро“ како институционална иновација за заедничко добро
– Фестивал „Литера 2020“: Најмладите ќе ги истражуваат ремек-делата на Димитар Кондовски
– Јубилеј 75 години „Остен“: Цртежот е искреноста во уметноста
– ретроспективна изложба на Павле Кузманоски во Чифте амам: Сведоци полни со тежок судбински фатализам
– Караманови поетски средби: Награда „Караманов 2020“ за „Разден“ на Кристина Николовска
– Дирекцијата за култура и уметност распиша Конкурс за новинарски текст на тема „Мостовите на Скопје“
– новинарот Зоран Костески-Шваца ја објави историската повест „Мариово – Жива историја“
– современа македонска поезија е објавена во српското списание за книжевност, уметност и култура „Свеске“.