КУЛТУРЕН ПЕЧАТ број 273, во печатеното издание на весникот „Слободен печат“ (22-23.3.2025), во својот стандарден формат на осум страници меѓу содржините од областа на уметноста и културните настани има:

– интервју со проф. д-р Славица Јанешлиева за 45-годишнината од основањето на Факултетот за ликовни уметности во Скопје: Чувар на вистинските вредности во уметноста

– разговор со писателката Калина Малеска за наградата „Роман на годината“: Сѐ уште го живеам овој роман и ликовите од него

– разговор со сликарот Решат Амети за изложбата „Мојот пат во уметноста“: Ликовната уметност во целост ме облагородува

– Културниот и едукативен центар „Небрегово“ го објави оперативниот план за 2025 година: Зборот на Блаже Конески има одек во иднината

– Европската мрежа за драма и превод „Еуродрам“ соопшти дека тројца македонски преведувачи добија европски награди за драмски превод

– португалската пејачка Марија Мендеш ќе настапи со Националниот џез-оркестар на концерт со хуманитарен карактер

– Стрип-центарот на Македонија во Велес го објави традиционалниот Меѓународен конкурс за стрип

– од печат излезе „Амбиент“ – книга седма (2023-2025) („една реченица“) со текстови на новинарот Зоран Иванов

– „Македоника литера“ објави македонско издание на романот „Конформист“ на познатиот италијански писател Алберто Моравија

– во програмата за март на издавачката куќа „Илика“ е објавата на романот „Тирза“ од холандскиот писател Арнон Грунберг.