Излезе „Културен печат“ број 181 во весникот „Слободен печат“
КУЛТУРЕН ПЕЧАТ број 181, во печатеното издание на весникот „Слободен печат“ (2-4.6.2023), во скратен формат на четири страници поради продолжениот викенд, меѓу содржините од областа на уметноста и културните настани има:
– импресивен спектар на уникатен и музички автономен јазик ќе донесе 22. „Оф-фест“ од 7 до 10 јуни во Скопје
– „Остен арт Скопје“ е дел од интернационална групна изложба во Венеција со наслов „Уметноста го обединува светот“
– ретроспективна изложба со творештвото на сликарот Владимир Темков е поставена во Чифте амам при Националната галерија
– во Македонскиот народен театар на 8 јуни ќе се одржи настанот „Поетроника“ на кој македонска поезија ќе биде претставена во современ музички контекст
– Меѓународниот фестивал за литература и илустрација за деца „Литера“ ги додели признанијата за најдобрите изданија
– новиот роман на писателот Трајче Кацаров со наслов „Увозникот на бели ноќи“ е објавен во издание на „Матица“
– во издание на „Алма графика“, објавена е збирката раскази со наслов „Фенерот на Злетовка“ од Трајче Донев.