Излезе „Културен печат“ број 173 во весникот „Слободен печат“
КУЛТУРЕН ПЕЧАТ број 173, во печатеното издание на весникот „Слободен печат“ (1-2.4.2023), во својот стандарден формат на осум страници меѓу содржините од областа на уметноста и културните настани има:
– интервју со писателката Драгица Најческа по повод нејзиниот 90-ти роденден: Сродни души постојат и треба да се пронајдат
– разговор со археологот Гоце Наумов за изложбата „Првите кралеви на Европа“ поставена во Чикаго: Врвна афирмација на културното наследство на Балканот во Северна Америка
– издавачката куќа „Гаврош“ ја промовираше книгата „Основните проблеми на режијата“ од театарскиот режисер и професор Хуго Клајн
– наградата „Менада“ на „Танц фест Скопје 2023“ ја добија универзитетите „Кодартс“ од Ротердам и „Гоце Делчев“ во Штип
– Кинотеката ја објави субјективната автобиографија „Мојот последен здив“ од филмскиот режисер Луис Буњуел на македонски јазик
– звучна конекција на грчки и македонски музичари во „Аудиокултура“: Уметноста и музиката обединуваат
– во Македонскиот народен театар во Скопје на 3 април (понеделник), со почеток во 12 часот, ќе се одржи трибината „Македонскиот драмски автор на сцената на МНТ“
– на сцената на Драмскиот театар во Скопје беше изведена претставата „Семејство“ на авторот Роналд Харвуд, дипломска претстава на студентите на ФДУ во класата на проф. Зоја Бузалковска и доц. Александар Степанулески
– со Сашо Саздовски ја раскажуваме приказната за скулптурата „Еквилибриум Синергија“, за која ја доби наградата „Боро Митриќески“
– Гете-институтот во Скопје ќе претстави патувачката изложба „Вселена. Човек. Интелигенција.“ за врвните истражувања во Германија
– во поетската едиција на Книгоиздателството „Макавеј“ од Скопје објавена е новата поетска книга на Христо Петрески со наслов „Човек, врата“
– издавачката куќа „ПНВ Публикации“ од Скопје на 1 април во Тетово ќе го реализира второто издание на проектот „Добри гости“.