Излезе „Културен печат“ број 156 во весникот „Слободен печат“
КУЛТУРЕН ПЕЧАТ број 156, во печатеното издание на весникот „Слободен печат“ (26-27.11.2022), во својот стандарден формат на осум страници меѓу содржините од областа на уметноста и културните настани има:
– интервју со писателот Венко Андоновски за новиот роман „Папокот на светлината“: Светот не е на добар пат, што се однесува до злото
– разговор со Весна Станојевска Микиќ: Харфата е специфичен и уникатен инструмент
– средба со Марика Цукровски, кураторка на изложбата на фондацијата „Ворлд прес фото“: Приказни за жени што инспирираат промени
– Центарот за социјални иновации „Блинк 42-21“ презентираше мобилна апликација за промоција на археолошкото богатство на Стоби
– Центарот за култура и културолошки студии (ЦККС) организираше трибина со наслов „Новиот прозен (женски) книжевен бран: жената и градот“
– најновиот проект на галеријата „Ел Греко“ е самостојната изложба на сликарот Мирослав Масин
– стрип-книжарницата „Бункер“ на 26 ноември 2022 организира „Ден на бесплатни стрипови“
– наградата „Биш“, која за првпат беше доделена на 47. МОТ, ја доби претставата „ГЛУМиЦИ“ на театарскиот колектив „Артопија“
– во рамките на фестивалот „Таксират“ од 24 до 26 ноември во МКЦ во Скопје се одржува ПИН – меѓународна музичка конференција и „шоукејс“
– „ПМГ Џез“ го објави првиот самостоен албум на тапанарот Дино Милосављевиќ
– издавачката куќа „Или-Или“ ја објави новата книга „Луѓето, а не градот“ од Снежана Младеновска Анѓелков
– неформалното младинско здружение „Култура Бета“ организира книжевно дружење со поетесата Јулијана Величковска во „Буква“
– македонскиот поет и прозаист Александар Михајловиќ ја објави книгата со кратки раскази „Светлината на светот“.