Излезе „Културен печат“ број 139 во весникот „Слободен печат“
КУЛТУРЕН ПЕЧАТ број 139, во печатеното издание на весникот „Слободен печат“ (30.07-02.08.2022), во својот стандарден формат на осум страници го отвораме со фотографии на дела од проектот „Лексикон на странски сликари во Македонија во периодот помеѓу 1850-1950 година“ на Влатко Милошевски, а меѓу содржините од областа на уметноста и културните настани има:
– интервју со новинарот Тони Гламчевски: Етнографските филмови пренесуваат важни пораки
– разговор со Сања Шуплевска од уметничкиот центар „Полифонија“: Стремеж кон постојана реинвенција
– средба со поетесата Валентина Бакти: Поетичен поглед на градот Скопје
– потребата за „нешто ново“ го создаде независното театарско здружение „Штрих“
– сеќавања на скопскиот земјотрес носи изложбата „За Скопје со срце од целиот свет“ во МКЦ
– редефинирање на идејата за неуспех, утопија и сон содржи изложбата „Трилогија: Под површината има уште една површина“ на Дриант Зенели
– „Светлините на астерот“ ќе блеснат на филмскиот фестивал „Астерфест“ во Струмица
– новиот книжевен фестивал „МалеМале“ ќе се одржи во Берово и во Пехчево
– креативни филмски средби се случија на „Бич филм фестивал“ во Охрид
– излезе книгата со кратки раскази „Ах, колку убав ден“ од Трајче Кацаров
– сликовницата „Невидливата куќа“ на Билјана С. Црвенковска со илустрации на Ване Костуранов е објавена на германски јазик
– збирката „Метафора – поглед зад огледалата“ од Марко Трпески е своевиден поетски архетипски алманах во издание на „Метафора“.