Излезе „Културен печат“ број 135 во весникот „Слободен печат“
КУЛТУРЕН ПЕЧАТ број 135, во печатеното издание на весникот „Слободен печат“ (2-3.07.2022), во својот стандарден формат на осум страници го отвораме со фотографии од „Битола Шекспир фестивал“, а меѓу содржините од областа на уметноста и културните настани има:
– репортажа од 8. издание на „Битола Шекспир фестивал“, што се одржа од 25 до 30 јуни во Народен театар Битола – Шекспировото дело како поттик за празник на театарот
– промоција на „Театарски белешки“ – Втиснати размисли, слики и емоции за театарската вистина на Владо Цветановски
– разговор со модната дизајнерка Ирина Тошева – Модата е многу повеќе од убави „фустанчиња“
– наградата „Денес“ ја доби Ивана Мирчевска, која уметничката инсталација „Медиум пукнатина“ ја создаде како жив организам
– фестивалот „Крик“ во КСП „Центар-Јадро“ ја претстави изложбата „Сенки на занаетите – инсталација на сенка-светло-звук“
– старите процеси ќе се вратат со првиот фестивал на алтернативна фотографија „Зрно“
– со „Промена на живот“ до лична револуција на младиот рап-артист Илија Дуев
– промоција на албум со досега необјавени песни од Влатко Илиевски со симболичен наслов „Последно танго“
– ДПМ ги врачи наградите „Книжевен жезол“ на традиционалната меѓународна поетска манифестација „Празник на липите“
– „Антолог“ ја објави книгата „Пирамидите на денот“ од литванската авторка Даина Ополскаите
– „Готен“ го објави романот „Средиштето на светот“ од германскиот писател Андреас Штајнхефел.