Излезе „Културен печат“ број 116 во весникот „Слободен печат“

КУЛТУРЕН ПЕЧАТ број 116, во печатеното издание на весникот „Слободен печат“ (12-13.02.2022), во својот стандарден формат на осум страници го отвораме со дела изложени на 19. „Зимски салон“ на ДЛУМ во Чифте амам, а меѓу содржините од областа на уметноста и културните настани има:

– интервју со актерот и режисер Коле Ангеловски: Правам комедии зашто сакам луѓето да се чувствуваат среќно

– разговор со поетот Трајче Кацаров, добитник на наградата „Григор Прличев“ за најдобра поема: Пишувањето поема бара време, дисциплина и консеквентност

– средба со слем-поетот Горазд Китановски – Кени: Поезијата е збор, слемот е глас

– отворен е 19. „Зимски салон“ на ДЛУМ во Чифте амам

– македонското ателје е дел од голема изложба во Париз

– ДПМ ги објави добитниците на книжевните награди за 2021 година

– по тригодишно творење – бендот „Лилит“ го објави својот прв албум „Чудо“

– награда за долгометражниот игран филм „Хомо“ во режија на Игор Иванов во Англија

– нови факти за творештвото и животот на Григор Прличев во монографијата „Прличеви беседи – хроника на еден културен настан“ (1952-2022)

– издавачката куќа „Артконект“ го објави романот „Наслада“ на полската писателка и режисерка Марта Ѓидо

– во издание на „ПНВ Публикации“ објавена е двојазична панорама на современата ирска поезија „Восторг – избор од современата ирска поезија / Rapture – A Selection of Contemporary Irish Poetry“

– издавачот „Македоника литера“ го објави романот „Капка веселба“ на современиот босански писател Селведин Авдиќ.

Видео на денот