Излезе „Културен печат“ број 101 во весникот „Слободен печат“
КУЛТУРЕН ПЕЧАТ број 101, во печатеното издание на весникот „Слободен печат“ (16-17.10.2021), во својот стандарден формат на осум страници го отвораме со фотографии од изложбата „Актови“ на хрватскиот фотограф Станко Абаџиќ во „Рудиќ галерија“ во Скопје, а меѓу содржините од областа на уметноста и културните настани има:
– интервју со филмскиот продуцент Роберт Насков: Функцијата продуцент бара нови квалитети и стандарди
– разговор со Сјон, писател и поет од Исланд: Кога немаме непријатели однадвор, обично го бараме непријателот во себе
– 40. Скопски џез-фестивал – Јубилејот е убав, сите му се радуваме
– Баги комуникации го најави вториот Скопски градски фестивал, што ќе се одржи во Домот на АРМ
– најава на премиерата на претставата „Работи за кои не зборуваме“ во режија на Нела Витошевиќ во МНТ
– Катедрата за општа и компаративна книжевност при УКИМ одбележува јубилеј 40 години од основањето
– Кинотеката најави проекција на дигитално реставрирана верзија на италијанскиот нем филм „Пеколот“, снимен во 1911 година според епот на Данте
– репродукции на портрети од Рафаело Санти ќе бидат изложени во Археолошкиот музеј
– сликарот Александар В. Настески со изложба ќе одбележи 50 години ликовно творештво
– излезе од печат новиот роман „Добро утро, љубов!“ од Милена Лунеска
– книгоиздателството „Ми-Ан“ промовираше книга со драми од Маја Стевановиќ
– книгата „Анатомија на бумбарот“ е возбудлив трилер од Стефан Марковски
– промоцијата на книгата „Несреден век“ од Тихомир A. Јанчовски ќе се одржи на 17 октомври во Кинотеката.