Излезе „Културен печат“ број 100 во весникот „Слободен печат“
КУЛТУРЕН ПЕЧАТ број 100, во печатеното издание на весникот „Слободен печат“ (9-11.10.2021), во својот стандарден формат на осум страници меѓу содржините од областа на уметноста и културните настани има:
– интервју со сценографот Крсте С. Џидров – Џиби: Целиот работен век бев сценограф на повик
– разговор со францускиот диригент Паскал Галоа, кој ќе го постави делото „Музика за 18 музичари“ од Стив Рајх во македонската филхармонија
– Хедвиг Фејен го презентираше Биеналето за современа уметност „Манифеста“ во МСУ во Скопје
– Министерството за култура објави дека на Годишниот конкурс за поддршка на проекти од национален интерес за првпат ќе се аплицира електронски
– секретарот на Фондацијата за македонски јазик „Небрегово“, Атанас Конески, му врачи плакета и признание на премиерот Заев за поддршката во одбележувањето на 100-годишнината од раѓањето на Блаже Конески
– девет врвни европски писатели ќе учествуваат на седмиот Фестивал на европската литература „Букстар“
– МНТ со претставата „Само глас“ ќе гостува на „Јоакимфест“ во Крагуевац
– изложбата „Субскрипт“ на новосадскиот уметник Горан Деспотовски од 8 октомври е поставена во Чифте амам при Националната галерија
– излезе од печат книгата „Мојот предизвик Охрид“ од Вера Стојчевска Антиќ
– на преведувачка резиденција во Скопје Соња Должан ги преведува расказите од збирката „Не одам никаде“ на Румена Бужаровска
– единаесеттиот национален Слем-натпревар ќе се одржи на 10 октомври во Прилеп
– Битолскиот книжевен круг ја објави книгата „Сезона на пелинот“ од поетесата Љубинка Донева
– „ПНВ Публикации“ објави превод на книгата „Потстанар“ од Филип Грујиќ од Србија
– Друштвото на писатели на Македонија го објави конкурсот за поетската награда „Даница Ручигај“.