Повеќето меѓународни летови веќе се суспендирани поради ширењето на коронавирусот, кој првпат беше идентификуван во Кина кон крајот на минатата година и оттогаш се прошири во речиси сите земји во светот, што доведе до над 30.000 смртни случаи како последица на Ковид-19.

„Изиџет” засега им се придружи на авиокомпаниите како „Квантас” и „Етихад Ервејз” во суспендирањето на летовите.

– Во оваа фаза не може да се утврди датумот кога повторно ќе почнат да се извршуваат комерцијалните летови. Постојано ќе ја набљудуваме и оценуваме состојбата заснована врз регулативи и побарувачката, и ќе ја обновиме работата кога ќе процениме дека има можност за тоа, се наведува во соопштението.

Исто така, се уверуваат и инвеститорите дека финансиската состојба на компанијата е сосема стабилна и оти е постигнат договор на кабинскиот екипаж да му се обезбеди исплата на 80 проценти од заработувачката за два месеца, почнувајќи од среда, стои во соопштението.