Изграден е нов воспитно поправен дом во Тетово. Од срце се надевам дека овие училишни клупи, грижа и хумани услови ќе го промени животот на штитениците и ќе ги одведе на вистинскиот пат – децата заслужуваат шанса во животот, напиша на фејсбук министерката за правда, Рената Дескоска.

Капацитет на овој поправен дом е 110 лица. Изградени се три објекти за сместување во отворени одделенија и одделенија за засилен надзор, со нето површина од 1.920 м2.

-Дополнителни 1.603 м2, во чии рамки е приемното одделение, одделение за посети, амбуланта за општа медицина и стоматологија, кујна, трпезарија, перална, едукативно одделение, повеќе наменска спортска сала и административен дел за вработените во установата.
За работно ангажирање на штитениците изграден е објект со две работилници и гаражи- стои во објавата на министерката Дескоска.

-Воспитно-поправниот дом е затворен комплекс со површина од околу 16.000 м2, ограден со безбедносна жичана ограда, шеталишта, со спортско игралиште за кошарка, мал фудбал и ракомет. Вкупната вредност на изградбата изнесува 253.582.000,00 денари-напиша министерката.