Изградба на нов кружен тек ја претвори Тирана во „воена зона“ (ФОТО) – Слободен печат
ВестиРегион

Изградба на нов кружен тек ја претвори Тирана во „воена зона“ (ФОТО)

Полицијата употреби солзавец за да ја растури толпата на жители кои се спротивставуваат на рушење на објекти.

Рушење на објекти каде е планирана изградба на кружен тек во Тирана изутринава предизвика судири меѓу жителите кои се спротивставуваат на ова акција и албанската полиција.

Според фотографиите кои ги објавија албанските медиуми, населбата наречена “Астира“ во главниот град на албанија изутринава личела на “воена зона“.

Полицијата употребила солзавец за да ја растури толпата на жителите кои се спротивставуваат на рушење на објектите.

Фото: Топ чанел

Жителите на областа „Астира“ во Тирана веќе втора година протестираат против изградба на нов кружен тек, со кој се предвидува и рушење на неколку околни објекти. Сепак, денеска започна рушењето на објектите кои се изградени без дозвола и за кои сопстевниците претходно добиле компензација поради нивното отстранување.

Фото: Топ чанел

„Топ Чанел“ јавува дека поради судирите повредени се 12 лица и дека тие биле пренесени во болница, од кои пет полицајци и седум жители.

– Доколку сте земале пари или процент  за рушењето на зградите, разумно е да престанете со саботажа на Тирана – се огласи градоначалникот на Тирана, Ерион Велиај, коментирајќи ја денешната состојба.

Фото: Топ чанел

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close