Издавачкиот центар „Три“ објави „Италијански приказни“ од Итало Калвино
Едицијата „Читаме заедно“ на издавачкиот центар „Три“ е комплетирана со преводот на „Италијански приказни“ од Итало Калвино.
Преку умешноста на Калвино, еден од најзначајните италијански и светски автори на 20 век, се овозможува циркулација на книжевен квалитет, кој и на децата и на возрасните им овозможува запознавање со најдоброто во европската литература.
Преводот на приказните го направи искусната преведувачка проф. д-р Радица Никодиновска. Како професор што добро ја познава Италија од сите нејзини аспекти, таа придонесе за нивно висококвалитетно приопштување на македонски јазик.
Проектот „Читаме заедно“ е поддржан од Европската Унија.
(Текстот е објавен во „Културен печат“ број 117, во печатеното издание на весникот „Слободен печат“ на 19-20 февруари 2022)