Издавачкиот центар „Три“ ќе ја промовира книгата „Живот на коцка“ од Џаро во хотел „Парк“
Во ресторанот на хотел „Парк“ во Скопје на 29 мај, со почеток во 19 часот, ќе се одржи промоција на биографијата на неповторливиот менаџер Велибор Џаровски – Џаро, која без задршки ни го открива начинот на кој тој стана урбана легенда.
Нема човек кој не чул за Џаро и за неговиот бурен живот. Но овојпат ги слушаме сите вистини, без премолчување на многуте згоди и незгоди за кои можеме да читаме во неговата биографија, која ја напиша Милица Џаровска.
Забавна и сурово искрена, македонското издание на „Живот на коцка“ ќе понуди еднакво задоволство колку и оваа промоција. Промотор ќе биде уште една домашна ѕвезда – Игор Џамбазов, без кој не би можел да се замисли еден ваков настан.
Станува збор за несекојдневна промоција што несомнено ќе остави впечаток, голем како оној што Џаро го остави врз своето време, известија од Издавачки центар „Три“.