Издадена меѓународна потерница по Милан Радоичиќ поради убиството на Оливер Ивановиќ - Слободен печат
ВестиРегион

Издадена меѓународна потерница по Милан Радоичиќ поради убиството на Оливер Ивановиќ

Радоичиќ пред неколку месеци му понудил на обвинителот Суљи Хоџа да го испита во Белград, но косовското Обвинителството одби да го стори тоа.

Суд во Приштина издал меѓународна потерница по Милан Радоичиќ, потпретседател на Српска листа на Косово и „еден од највлијателните личности во северно Косово“ кој е осомничен дека е вмешан во убиството на лидерот на Граѓанската иницијатива, Оливер Ивановиќ во Северна Митровица.

Според Танјуг, приштинскиот обвинител кој го истражува убиството на Ивановиќ изјавил дека е издадена меѓународна потерница за Милан Радоичиќ, за кого се сомнева дека се крие во Србија. Косово, инаку, не е членка на Интерпол.

Радоичиќ пред неколку месеци му понудил на обвинителот Суљи Хоџа да го испита во Белград, но косовското Обвинителството одби да го стори тоа.

Танјуг наведува дека обвинителството исто така го бара и Звонко Веселиновиќ, за кого обвинителството во Приштина неодамна ја прошири истрагата, по добиените документи одобрени од ЕУЛЕКС.

Веселиновиќ е осомничен од Судот во Приштина за организиран криминал, доведување во опасност на персоналот на ОН и за убиството на Ивица Рајичиќ во 2014 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close