Изборен молк во Албанија, странските амбасади „блиндирани”
Еден ден пред локалните избори, се засилени безбедносните мерки во населбата каде се наоѓаат странските амбасади во Тирана.
На сликите направени од страна на „ЛСА“, јасно се гледаат дека бројни воени лица стојат во готовност за да го чуваат секој дел од институциите, пренесува Балканвеб.
Во Албанија денеска е изборен молк. Опиниони пренесува дека опозицијата нема да биде дел од изборите што се очекува да се одржат утре на 30 јуни. Претседателот Илир Мета, го откажа овој датум како ден на изборите и издаде нов декрет за избори кои ќе се одржат на 13-ти октомври.
Право на глас имаат 3.536.015 албански државјани, од кои за првпат гласаат 132.788 лица. Според Министерството за внатрешни работи списокот на избирачи го сочинуваат 51% мажи и 49 % жени.
Од 61 општини, во 35 од нив има само по еден кандидат на трката.