Издавачот „Ми-Ан“ објави избор поезија со наслов „Меланхолија“ од Ерол Туфан. Станува збор за двојазична книга во која се објавени 52 песни, по 26 песни на македонски и на турски јазик.

Специфично за книгата е што авторот твори на двата јазици истовремено и како таков е застапен со песни што се напишани на двата јазици.

Изборот на песните е проследен со поговор од Мишел Павловски, професор на културолошките студии при Институтот за македонска литература и сопственик на книгоиздателството „Ми-Ан“.

Авторот Ерол Туфан е член на Друштвото на писателите на Македонија. Пишува и објавува книги на повеќе јазици. Во 1992 година се пресели да живее и работи во Истанбул, Турција, но никогаш не ја прекина комуникацијата со родната Македонија.

(Текстот е објавен во „Културен печат“ број 47, во печатеното издание на „Слободен печат“ на 5-6 септември 2020)