Ивановски и Поп Арсова со нови македонски рекорди во маратон
На маратонот кој се одржа во Копенхаген (Данска) беа соборени македонските рекорди во маратон кои лани беа поставени на „Виз Ер Скопски маратон“.
Дарио Ивановски, кој денеска го слави 25 роденден, оствари резултат од 02:18.12 ч., а досегашниот рекорд изнесуваше 2:21:27.
Тој го освои 13 место, а победник беше Берхане Тсегај од Еритреја со време од 02:08.23, пред неговиот сонародник Хеник Тесфеја, додека на третата позиција се најде Даниел Кипчумба од Кенија.
Во женска конкуренција Адријана Поп Арсова постигна резултат од 02:35.29 ч., а досегашниот рекорд изнесуваше 02:40.36.
Таа го освои осмото место, а победничка беше Хела Кипроб од Кенија (02:24.10) пред Мулухабт Тсега од Етиопија, третопласирана е Агенс Кеино од Кенија.
Со овие одлични резултати Ивановски и Поп Арсова го потврдија нивниот квалитет.