Ивановска: Системско решение за надминување на состојбата со имотот на функционерите е донесување закон за потекло на имотот

Претседателката на Државната комисија за спречување на корупцијата (ДКСК) Билјана Ивановска смета дека клучна за контрола и системско решение за надминување на целата состојба во државата со имотот на функционерите е донесувањето на закон за потекло на имот на секој граѓанин, со што, според неа, ќе се избегне ризикот одредени функционери својот имот да го пријавуваат на туѓо име додека се на функција, а потоа да си го вратат на свое име, бидејќи ДКСК понатаму нема законска надлежност да ја следи имотната состојба.

– Денеска и на Владата го поставивме истото прашање. Треба Министерството за правда да го иницира ова донесување, да се подготви законот, изјави Ивановска за Телевизија 24.

Прочитајте и...  Д-р Бабачиќ: Лани починале околу 4.500 луѓе повеќе од вообичаениот годишен просек

Таа посочи дека сегашниот систем за евиденција на анкетните листови ги објавуваат на веб страната, но тие таму стојат додека е мандатот на функционерот. Кога ќе заврши мандатот, старите листови се тргаат од веб страната, бидејќи, како што вели, таков е системот.

Ивановска посочи дека нема истражни центри за детално испитување на потеклото на имотот, но затоа имаат добра соработка со институциите.

Во однос на испитувањето на имотната состојба на судиите и обвинителите, Ивановска рече дека доколку се утврди оти има зголемување на имотот, кој не соодвестува на месечните примања, а веќе, како што соопшти, има такви три случаи, тогаш одат на подлабока анализа или се обраќаат кај Финансиска полиција да ја спрове понатаму истрагата.

Прочитајте и...  Пановски: Британскиот сој на вирусот полесно се шири, граѓаните да не се опуштаат и да носат сертифицирани маски

– Утврдивме доста слабости. Во планот за оваа година беа претседателите на судовите бидејќи немавме објеткивни критериуми да направиме избор на примерок за судиите. Имаме забелешки, тоа ќе се обелодени во годишниот извештај за 2020 година. Има слабости, не ги поднесуваат редовно анкетни листови, за почеток, за крај на функција, не ги ажурираат податоците при промена на имотна состојба што е законска обврска. Сето тоа е нотирано и за тие случаи веќе се спроведува прекршочна постапка, нагласи Ивановска.

Поврзани вести

ВИДЕО+ФОТО I  Руски дипломати ја напуштија Северна Кореја туркајќи вагонче од воз

Слободен печат

ВИДЕО: Воздушниот напад на Бајден врз Сирија – симболичен гест, вовед во војна или нешто друго?

Слободен печат

Родителите на исчезнатите млади момчиња апелираат до Вучиќ да не објавува фотографии и снимки од монструозните убиства на кланот на Веља Невоља

Слободен печат

ВИДЕО | Забавата поради која Неделковски и Пандов завршија во полиција

Слободен печат

Маричиќ потврди дека Русковска е обвинителот со кој се сретнал во петокот

Слободен печат

Амбасадорот Коснет ја потврди поддршката на САД за ЕУ ​​во дијалогот Белград-Приштина

Слободен печат

Остави Коментар