Новинарот Зоран Иванов, во вечерашното гостување на Канал 5 изјави дека смета оти Владата ќе го преживее гласањето доверба во Собранието во четврток.

Според него, тоа нема да се случи бидејќи „главните актери се пуштиле во игра и веројатно малку се истрчале“ и оти затоа, меѓу другото, „се во офсајд“.

-Политиката е одговорност, но истовремено и игра, во убава смисла на зборот. Поддржувам предвремени парламентарни избори, од причина што Македонија не прави реформи, бидејќи парламентот не функционира поради распоредот на силите и второ не функционира и поради една недоволна политичка зрелост на сите субјекти во државата, рече Иванов во емисијата „Само вистина“ и додаде дека Македонија е општество во кое функционираат и други партии, освен СДСМ и ВМРО-ДПМНЕ.