Иванка Трамп повторно предмет на потсмев: За се е виновен киксот на нејзиниот татко за кој Америка не престанува да зборува – Слободен печат
ВестиПланета

Иванка Трамп повторно предмет на потсмев: За се е виновен киксот на нејзиниот татко за кој Америка не престанува да зборува

Можеби патувањето на Иванка Трамп ќе минеше незабележано ако нејзиниот татко претходно прописно не се избламира велејќи дека споменатата држава е следна на удар на ураганот „Доријан“, кој прво ги погоди Бахамите.

Постарата ќерка на актуелниот американски претседател Доналд Трамп повторно се најде на мета на шеговити коментари од корисниците на социјалните мрежи откако најави посета на Алабама.

Можеби патувањето на Иванка Трамп ќе минеше незабележано ако нејзиниот татко претходно прописно не се избламира велејќи дека споменатата држава е следна на удар на ураганот „Доријан“, кој прво ги погоди Бахамите.

Имено се почна кога минатата недела се појави видео на кое претседателот Трамп покажува мапа за која тврди дека претставува приказ каде се движи ураганот „Доријан“. Во таа прилика изнесе невистинита информација за тоа дека разорниот ураган од Флорида ќе се пресели во Алабама.

Иако демантот од националната управа за океани и атмосфера стигна во рок од десет минути, Трамп и натаму одбивал да ја признае грешката. Потоа се појавија шпекулации дека самиот претседател го доцртал движењето на ураганот на мапата.

Кога миленичката на Трамп на Твитер објави вест за официјална посета на Алабама, подготвено ја дочекаа американските твитерџии со нови шеги.

„Како ќе одиш таму сега кога е најавен ураган?“, напишал под нејзиниот твит еден корисник.

„Размислуваш ли дека ќе преживееш ураган ако заминеш?“, продолжил во шеговит тон друг.

Некои пак не ја заборавиле шегата со фустанот на Иванка од минатата недела:

„Задолжително облечи нешто убаво“, напишал еден корисник, алудирајќи на „спорниот“ фустан кој ќерката на Трамп неодамна го носела во Колумбија.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close