Тренерот на најдобриот тенисер на светот, Горан Иванишевиќ, во неодамнешно интервју зборуваше за тоа како српскиот ас е „машина за победи“.

Поранешниот светски рекет број два и освојувач на „Вимблдон“ истакнува дека Новак Ѓоковиќ не е задоволен од моменталната ситуација и дека постојано бара начини да биде уште подобар и максимално да ја подобри играта.

– Доколку кажам дека Новак Ѓоковиќ денеска е добар, тоа веќе не е доволно утре, бидејќи тој сака да биде подобар. Секој ден треба да бидете подобри, да напредувате, треба да знаете како да се притиснете за да бидете подобар како тренер, а подоцна ги гледате резултатите од сè – вели Иванишевиќ.

Хрватскиот стручњак е во таборот на првиот светски тенисер од „Вимблдон“ во 2019 година.

– Не е лесно, секогаш имате подеми и падови, голем притисок, а финалето не е доволно добро за Новак. Тоа е како да го тренирате Реал Мадрид, да загубите на два натпревари и секогаш да ве охрабруваат да продолжите. Секогаш сакаат да ве „згазат“. Затоа Новак е институција, целиот со рекорди, победи и постојано е под притисок, но животот без притисок е здодевен – додаде Иванишевиќ.

Ѓоковиќ веќе ја започна 315-та недела на врвот на АТП-листата овој понеделник, а следната недела се очекува да настапи на Мастерсот во Монте Карло.

Турнирите не се толку интересни без Новак, Рафа и Рожер