ВИДЕО | Ива Наскова, млад европски амбасадор: Идеите на младите ќе ги претставам на регионално ниво

Ива Наскова
Ива Наскова вели дека не било лесно да се избори за оваа функција, но можноста ќе ја искористи за да ги претстави идеите на младите луѓе / Фото: Утрински брифинг

Ива Наскова е една од десетте млади луѓе од Македонија кои ја добија довербата од Европската Унија, со што стана млад Европски амбасадор.

За критериумите, предизвиците и можностите кои ги носи оваа функција денеска со Ива зборувавме во Утрински брифинг.

– Идејата е да се поврзат млади луѓе од цел Западен Балкан кои ќе разговараат за младински политики поврзани со Европската Унија. Младинските амбасадори се всушност гласот на сите млади луѓе од земјите од Западен Балкан, односно ги претставуваат младинските интереси не само на централно, туку и на регионално ниво. Мотото на младинските европски амбасадори е „Обединети во своите различности“. Тоа подразбира учење еден од друг и учење за другиот. Така што ние учиме да ги обедимине нашите различности и ставови, и со тоа создаваме мрежа која е гласот на сите млади, вели Наскова.

Таа додава дека не било лесно да се избори за оваа функција, но можноста ќе ја искористи за да ги претстави идеите на младите луѓе.

– Од 30 кандидати избрани беа само десет. Од цел Западен Балкан има 120 амбасадори. Заедничка канцеларија на европските младински амбасадори од Македонија е Europe House. Сепак, доколку некој сака да стапи во директен контакт со нас, тоа може да го направи преку интернет страната We Balkans и да ме исконтактира. Моја идеја е зборот „јас“ да го сменам во „ние“. Тоа го објаснив и во мојата апликација. Најважно е младите да сфатат дека нивниот глас е важен, а нивните размислувања некој ги слуша, и истите ќе бидат претставени во институциите на Евопската Унија, додава Наскова.

Целиот разговор проследете го во продолжение:

Видео на денот