Италијанските клубови бараат казни за Јувентус, Милан и Интер
Членови на италијанската фудбалска Серија А, вкупно 11 од нив, бараат санкции за несудените „суперлигаши“..Проектот „Суперлига“ пропадна уште на самиот почеток, а „бурата“ која траеше неколку дена полека стивнува, како еден краток и не многу пријатен сон.
А членовите на Серија А не сакаат така лесно да им простат на Јувентус, Милан и Интер поради фактот дека тие беа подготвени да се „одделат“ и заради пари целосно ги игнорираат интересите на другите клубови на Апенините, а по тој повод започнале конкретна правна борба.
11 клубови, Рома, Торино, Болоња, Парма, Џенова, Каљари, Сампдорија, Сасуоло, Специја, Беневенто и Кротоне, потпишаа писмо во кое изразуваат потреба да се свика итен состанок. Другите клубови Наполи, Лацио, Фиорентина, Аталанта, Удинезе и Верона не ја поддржуваат иницијативата.
Во соопштението се наведува дека трите клуба Јувентус, Интер и Милан всушност го развиле и потпишале проектот „Суперлига“, дејствувајќи во тајност од другите членови и највисоките институционални тела на италијанскиот спорт и направија очигледна и сериозна штета на целата лига и на целиот италијански фудбалски систем.
Нова закана од Чеферин и УЕФА: Доколку не се откажат од Суперлигата ќе летаат од ЛШ
На Јувентус, Интер и Милан воедно им се забележува и затоа што сè уште не се официјално повлечени од проектот „Суперлига“, а потписниците на изјавата бараат санкции со образложенија.
Истите клубови се исто така дел од фронтот кој се залага за прилив на пари во Серија А преку проект осмислен од Дал Пино и кој би им донел една милијарда и 700 милиони евра на италијанските клубови. Проектот, за кој првично се гласаше едногласно, а кој подоцна ја загуби поддршката од Јувентус и Интер, предвидуваше дека средствата ќе управуваат со ТВ-правата во Серија А, а клаузулата во прелиминарниот договор беше клубовите да не поддржуваат нови натпреварувања како „Суперлига“ во следните 10 години, бидејќи првенството последователно ќе ја изгубеше својата привлечност.