Италијанскиот „Плејбој“ го очекува своето прво дете со 27 години помладата девојка! (ВИДЕО)
Еден од најзгодните мажи на светот уште нарекуван и новиот „Плејбој“, Џанлука Ваки (52), заедно со неговата девојка Шерон Фонсека (25) го очекуваат своето прво дете.
Италијанскиот милионер и моделот на Инстаграм споделија видео во кое најавија дека ќе станат родители.
„Пресреќен сум што објавувам и споделувам со вас дека со Шерон очекуваме дете. Таа ќе биде мајката која отсекогаш ја сонував за моето бебе“ – изјави Џанлука.
Покрај тоа што е диџеј и само на социјалната мрежа Инстаграм го следат 15 милиони луѓе, италијанецот е познат инвеститор, а на социјалните медиуми е познат како „Grandpa Playboy“ или „The Money King“.
Многумина се восхитуваат на неговото совршено обликувано фит тело кое изгледа како на младо момче.
Џанлука внимава на својот изглед и покрај годините е се уште прилично активен. Тој обожава да танцува и често објавува видеа кои набргу станваат вирални на социјалните мрежи.
Со Шерон е во врска од 2018 година, а претходно беше со 23-годишната Арианда Гутиерез која беше Мис Колумбија.
Неспорно е дека овој италијански заводник има одличен стил и знае како да се забавува.
